別冒險到人類的世界旅行

【銅鑼灣】萬千宅男嘅女神、今年23歲韓國爆紅組合少女時代成員之一嘅孝淵，近日秘密嚟香港。青春少艾嘅佢嚟到，當然少不免濕平一番，佢揀咗沈嘉偉嘅I.T幫襯。前晚接近8點，都係潮人嘅少時孝淵，着住件Adidas by Stella McCartney背心同埋緊身leggings，由鍾欣桐嘅韓籍男友「K先生」權寧一同埋一名黑超男助手陪同，一齊坐住架七人車去到銅鑼灣禮頓道嘅I.T店準備大肆搜掠。


【依依不捨】

【急步走人】

【成功上車】

【阿嬌與阿K】
■K先生同阿嬌感情穩定，之前仲拍拖喺韓國出席首映。
資料圖片
俾車門撞親頭
一行三人上到店舖嘅三樓，會合一早喺度等緊嘅其他韓國工作人員，當孝淵抵達，店方已經派出一位店長全程招呼各位貴賓，另外又安排咗四、五位店員喺孝淵睇嘢嘅地方擔任保安，防止閒雜人等騷擾佢哋，等孝淵可以好寫意咁盡情購物。喺專人照顧之下，孝淵掃足一粒鐘先至肯走，攞住兩大袋戰利品由K先生同男助手代勞挽住，佢自己就淨係笑笑口攞住兩支水。
不過孝淵對鏡頭好避忌，成日想避仲想急急腳跳上七人車，但係佢心急得滯連㩒咗兩下部車嘅自動門，撞到孝淵個頭，搞到佢「哎喲」一聲，真係心痛死班fans。
採訪、攝影：李志明、徐錦池
私家偵探社私家偵探偵探社偵探
徵信徵信社徵信社徵信